لہرائے سدا آنکھ میں پیارے تیرا آنچل جھومر ہے تیرا چاند ستارے تیرا آنچل

لہرائے سدا آنکھ میں پیارے تیرا آنچل
جھومر ہے تیرا چاند ستارے تیرا آنچل

اَب تک میری یادوں میں ہے رنگوں کا تلاطَم
دیکھا تھا کبھی جھیل کنارے تیرا آنچل

لپٹے کبھی شانوں سے کبھی زُلف سے اُلجھے
کیوں ڈُھونڈھتا رہتا ہے سہارے تیرا آنچل

مہکیں تیری خوشبو سے دہکتی ہوئی سانسیں
جب تیز ہوا خود سے اتارے تیرا آنچل

آنچل میں رَچے رنگ نکھاریں تیری زلفیں
اُلجھی ہوُئی زُلفوں کو سنوارے تیرا آنچل

اس وقت ہے تتلی کی طرح دوشِ ہوَا پر
اس وقت کہاں بس میں ہمارے تیرا آنچل

کاجل تیرا بَہہ بَہہ کے رُلائے مجھے اَب بھی
رَہ رَہ کے مجھے اَب بھی پکارے تیرا آنچل


Lehraye Sada Aankh Mein Pyare Tera Aanchal
Jhoomar Hai Tera Chand, Sitare Tera Aanchal,

Leptay Kabhi Shanoo Pey Kabhi Zulf Se Kheley
Kion Dhondhta Rehta Hai Sahare Tera Aanchal,

Ab Tak Meri Yadoon Mein Hai Rangon Ka Talatum
Dekha Tha Kabhi Jheel Kinare Tera Aanchal,

Mehkein Teri KhushBoo Se Dehakti Hui Sansein
Jab Teiz Hawa Khud Se Utare Tera Aanchal,

Aanchal Mein Rachay Rang Nikharein Teri Zulfein
Uljhein Hui Zulfon Ko Sanware Tera Aanchal,

Ess Waqt Tou Titli Ki Tarah Dosh-e-Hawa Par
Es Waqt Kahan Bas Mein Hamare Tera Aanchal