Shahre wafa me.n be-wafa hota nahin koi Majboor har bashar hai, shikayat na kijiye

Shahre wafa me.n be-wafa hota nahin koi

Majboor har bashar hai, shikayat na kijiye



Chehre ka noor le gaya aa.nkhon ki roshni

Parda hata ke hampe qayamat na kijiye



Seerat hai asl, aap
na Soorat pe jaiye

Hargiz kabhi Rafeeq se nafrat na kijiye



Zakhm-e jigar se hi
hai Mohabbat ki aabroo

Dard-e Jigar ko apne se rukhsat na kijiye



Bande hain Rab ke, Bandagi Rab ki karen zaroor

Shaitaan ki qobool ata-at na kijiye



Yah Ishq ek junoon hai, ek Aag hai Seraj

Jalne ki isme.n dost hemaqat na kijiye !! AAMAN