Teri aankhon k hasin jaal me aa jaonga main,

Teri aankhon k hasin jaal me aa jaonga main,
Mujh ko lagta hai teri chaal me aa jaonga main.

Zindgi baad tere hona thi mushkil lekin,
Ye na socha k is haal me aa jaonga main.

Dekh kar us ko mujhe yad kare gi dunya,
Aik din us k had-o-haal me aa jaonga main.

Kitne mosam thy jo de kar mujhe taany guzre,
Tum tu kehte they k ik saal me aa jaonga main.

Sur me aa jayega jeevan tere aa jane se,
Tere aaney se kisi taal me aa jaonga main.